Pasta sa avokadom (posno)

Večera gotova za 20min 😊 Super brze a veoma ukusne špagete (ili pasta po vašem izboru) sa sosom od avokada.

Potrebni sastojci: 

• 340g špageta
• 2 zrela avokada (uzduž prepoloviti, izvaditi košpicu a "meso" izdubiti kašikom)
• 1/2 šolje svježih listova bosiljka
• 2 čena bijelog luka 
• 2 kašike svježe cijeđenog limunovog soka
• so i mljeveni crni biber po želji
• 1/3 šolje maslionovog ulja
• 1 šolja cherry paradajza (polovine)
• 1/2 šolje kukuruza iz konzerve prethodno opranog i ocijeđenog 

Priprema: 

U velikom loncu ključale, slane vode skuvati špagete prema uputstvu sa pakovanja zatim dobro ocijediti i ostaviti sa strane.

U posudi od multipraktika sjediniti avokado, bosiljak, bijeli luk (usitnjen presom) i limunov sok; dodati so i biber po želji. 

 

 




Dok je multipraktik uključen polako dodavati maslinovo ulje, dobija se glatka smjesa. Ostavite sos sa strane. 

U velikoj posudi sjediniti skuvane i ocijeđene špagete, sos sa avokadom, cherry paradajz i kukuruz. 

Dobro promiješati i odmah servirati 😉 

Prijatno 😊 

Voćni kuglof (posno)

Još jedan recept za posni slatkiš 😉 

Potrebni sastojci:

• 1 zrela banana
• 3 jabuke
• 2 vanil šećera
• 200g šećera (ili pola od toga ako ćete praviti glazuru sa šećerom u prahu) 
• 200ml kisjele vode
• 100ml ulja 
• 350g brašna
• 1 prašak za pecivo
• 1/2 kašičice cimeta 
• 80g brusnica
• 80g borovnica (mogu i zamrznute)

Za glazuru: 

• 200g šećera u prahu
• 3 kašike tople vode (ne vruće)
• 1 kašika limunovog soka 

Priprema:

Rernu uključite da se zagrije na 180𝇈C. 

Bananu i dvije jabuke oljuštiti, narezati i u blenderu/multipraktiku izmiksati. Dodati šećer i vanilu, promiješati kašikom, zatim dodati kisjelu vodu i ulje. 

Sjediniti brašno, prašak za pecivo i cimet zatim dodati u izmiksano voće i sve zajedno promiješati. Treću jabuku očistiti i isjeći na kockice zatim zajedno sa borovnicama i brusnicama dodati u već pripremljenu smjesu i promiješati. (Savjet: borovnice prethodno pospite sa malo brašno, tako neće pasti na dno tijesta).                                                                                                                                     

Formu za kuglof premazati margarinom, posuti sa malo brašna i sipati smjesu. 

Peći na 180𝇈C 50-55min. Provjerite čačkalicom da li je kuglof pečen. 

Kuglof ostavite 15min da se ohladi u kalupu. 

Glazura:

U vodu dodati šećer u prahu i cijeđeni sok od limuna zatim viljuškom umutiti glatku glazuru. Kašikom sipati glazuru preko ohlađenog kuglofa. Po želji posuti Šećerom u prahu. 

Prijatno 😊 

Jedna malo drugačija pita :-)

Iiiiii evo mene ponovo nakon duže pauze 😊

Novo druženje započinjem sa receptom za jednu malo drugačiju pitu od onih na koje smo uglavnom navikli. Pravila sam je već nekoliko puta, sa različitim korama i uvijek je bila odlična. Ova na fotografijama je od prekjuče i bila je 👌

Potrebni sastojci:                                                                                                                                      

• 500g kora za pitu (poslednje sam koristila Trivit kore sa heljdom)                                              
• 300g sitno izgnječenog sira (npr. kolašinski lisnati sir)  
• 3 veća jajeta
• 200ml jogurta  
• 1 prašak za pecivo
• 1/4 svježeg kvasca
• 1 kašika brašna  
• 100ml ulja    
• 1 veza blitve (5-6 listova u zavisnosti od veličine)
• 1 kašičica soli
• 70g otopljenog putera
• susam za posipanje 

Ako se koriste kore sa heljdom, kao što sam ja ovog puta, povećajte količinu sastojaka za fil za otprilike 50% jer kore upiju dosta fila a treba da ostane i za prelivanje na kraju. 

Priprema:

Rernu uključite da se grije na 200०C, gornji i donji grijač. 

Sir dobro izgnječiti viljuškom a blitvu oprati i odstraniti mesnati dio.

Mikserom umutiti jaja, dodati jogurt, ulje, brašno, so, prašak za pecivo i kvasac. 

Četiri kore premazivati pripremljenim filom a na četvrtu staviti sir i komadiće blitve. 

Uviti u rolat ostaviti sa strane dok se potroše sve kore (otprilike 3 rolne). 

Gotove rolate oštrim nožem isjeći na manje komade. 

Nasječene komade zatim posložiti u manji pleh, može se koristiti i veći pleh od rerne pa će biti razdvojeni ali ja više volim da budu spojeni u cjelinu 😊 

Preliti ostatkom fila a na svaki komad naliti kašičicu otopljenog putera. Posuti susamom i peći u rerni na 200०C otprilike pola sata. 

Prijatno 😉